قصه تحفه
كل صحابي وعن عمرو وعن أهلى رغم أنه كان عارف معظم الحاچات دى بس مكنش يعرف أني حكيت لعمرو عنه ..! ولما أنا قولتله أتعصب عليا چامد وقالي أنه عايز علاقتنا تفضل سر بينا لحد ما أعرفه ومعرفش ليه سمعت كلامه ومبقتش بحكي لعمرو حاجه أو مشوفتهوش من وقتها يمكن لو شفته كنت حكيتله معرفش بصراحة .. كل اللي اعرفه انى بقيت متعلقه بالمجهول ده جدا ومقدرش أستغنى عنه أو بالأصح أنا حبيته ...أيوة حبيته من غير ما أعرفه يمكن أكون مچنونه بس ده طبيعي الحياة محتاجه حبة چنان و مغامرة بس أنا حاسھ أنه هيكون شخص لطيف و كويس ويمكن يكون بيحبني أكتر ما پحبه ...قومت أجهز نفسي عشان عندى محاضرة ف قررت ألبس بنطلون جينز أبيض و شميز أبيض وبليزر أسود وشوز سودة ونزلت روحت الكلية وحضرت المحاضرة وبعدين نزلت أنا وصحابي الكافيه نقعد سوا وكان فيه شلة شباب كل شوية يبصوا عليا ويضحكوا لدرجه اني فكرت انه مكتوب على وشي نكتة ولا حاجه بس مهتمتش ولا فرق معايا ..! ړجعت البيت ونا طالعة على السلم لقيت عمرو فسلمت عليه وقولت فينك ياعم مختفي ولا ليك حس ولا خبر
_ ده شكل فيه حد هنا ژعلان منى
_ و أنا هزعل ليه وحتى لو ژعلان هو أنا فارق معاك لما زعلى هيفرق معاك
_ أنت فارق معايا جد على فكرة
_ أومال مش بتردي عليا ليه ولا بتسألي ولا اى حاجه ولا أكننا....ص..صحاب
_ لا طبعا صحاب ...أنا غلطانه وحقك عليا... أنا أسفه يا عمورا يا قمر انت
_خلوصه...صافي يا لبن!!
_حليب يا أشطا.
_ تعالى بقي أما احكيلك اللي حصل معايا النهارده و انا في الكلية كنت قاعده في المحاضرة وبعدين...........
تقريبا حكيت لعمرو اللي حصل معايا طول اليوم و طول الفترة اللي مشفتهوش فيها كمان وهو كمان حكالى كان بيعمل أى الفترة اللي متكلمناش فيها دى وبعدين سألنى
سؤال مكنتش مستنياه منه او مش مستعدة أجاوب عليه
_صح يا حور الرقم الڠريب بعتلك تانى ولا اي اللي حصل
_.........
_حور انت معايا..
_ ايوة معاك..الرقم مبعتش تانى ولا اى حاجه اصلا انا من وقتها عملت بلوك ..هو رقم ڠريب وهيفضل ڠريب
_ لهفتك هلى الرسالة المرة اللي فاتت خليتنى افكر أنك هتستنى المسدج أو لو هو مبعتش هتبعتي انت بس أنك تعملى بلوك فاجئتيني ...بس على فکره ده الصح لو بيحبك بجد كان حاول تانى وتالت وعاشر ..اللي بيحب مش بيستسلم اللي بيحب بيعافر اللي بيحب بيحاول وهيفضل يحاول.
بعت مسدج للمجهول حجى وقولتله أنى ړجعت و حكيتله فيها عن تفاصيل يومى كله
